Ný skýrsla RHA um ráðstöfun aflamarks og áhrif þess á byggðafestu
Sjávarútvegs- og landbúnaðarráðherra Sigurður Ingi Jóhannsson fól á síðasta ári Rannsóknamiðstöð Háskólans á Akureyri (RHA) að leggja sérstakt mat á byggðafestuáhrif hinna einstöku aðgerða vegna atvinnu-, félags- og byggðaráðstafana í fiskveiðistjórnarkerfinu og jafnframt hvort einhverjar aðrar leiðir væru hentugri til að tryggja byggðafestuna.
Þær aðgerðir sem hér um ræðir eru línuívilnun, almenni byggðakvótinn, byggðakvóti Byggðastofnunar, rækju- og skelbætur og strandveiðar. Gagnasafn yfir allar hafnir á landinu á tímabilinu 2004-2014 var lagt til grundvallar niðurstöðunum.
Skýrsla RHA er meðfylgjandi ásamt sérstöku ágripi unnu upp úr efni hennar.