Mál nr. 6/2012
ÁLIT
KÆRUNEFNDAR HÚSAMÁLA
í máli nr. 6/2012
Aðgangur að lóð.
I. Málsmeðferð kærunefndar
Með bréfi, dags. 8. febrúar 2012, beindi A, hér eftir nefndur álitsbeiðandi, til nefndarinnar erindi vegna ágreinings við B, hér eftir nefnd gagnaðili.
Gagnaðila var gefinn kostur á að koma á framfæri við nefndina sjónarmiðum sínum og kröfum í samræmi við ákvæði 3. mgr. 80. gr. laga um fjöleignarhús, nr. 26/1994. Gagnaðili skilaði ekki greinargerð.
Álitsbeiðni var lögð fyrir nefndina. Málið var tekið til úrlausnar á fundi nefndarinnar 1. október 2012.
II. Helstu málsatvik og ágreiningsefni
Krafa álitsbeiðanda er:
Í eignaskiptasamningi komi fram að lóðinni sé þannig skipt að hverju húsi fylgi 12,5% hlutdeild í lóðinni. Eignarhlutfall neðri hæðar sé 4,95% í heildarlóð og efri hæðar 7,56%.
Í afsali, dags. 4. desember 1987, komi fram að lóð bak við húsið tilheyri neðri hæð og lóð fyrir framan hús tilheyri efri hæð, með eðlilegum umgengnistakmörkunum. Álitsbeiðandi telur þetta brjóta í bága við lög þar sem lóðin sé öll sameign og því eigi ekki að skipta upp aðgengi að lóðinni.
Gagnaðili skilaði ekki greinargerð.
III. Forsendur
Í máli þessu liggur fyrir þinglýst afsal, dags. 4. desember 1987. Samkvæmt því fylgir baklóð neðri hæð einni og lóð fyrir framan hús tilheyrir efri hæð einni, með eðlilegum takmörkunum vegna umgengni annarra íbúa. Það er álit kærunefndar að hið þinglýsta afsal sé bindandi og álitsbeiðandi hafi því ekki aðgang að baklóð.
IV. Niðurstaða
Reykjavík, 1. október 2012
Kristrún Heimisdóttir
Benedikt Bogason
Ásmundur Ásmundsson