Hoppa yfir valmynd

Spurning: má festa skrúfur í vegginn?

Svar: Já, það má festa skrúfur í vegginn. Eins og kemur fram í keppnislýsingunni mega höfundar koma með tillögu um hvaða efni sem þeir telja að henti hugmynd þeirra best, að því gefnu að verkið hafa endingu í að minnsta kosti þrjú ár.

 

Spurning: Þarf áætlaður kostnaður líka að dekka stillansa?

Svar: Já, allur kostnaður við framkvæmd og uppfærslu verksins skal koma fram í kostnaðaráætlun, en áætlaður heildarkostnaður má ekki fara yfir 2.000.000.-

 

Spurning: Er verðlaunaféð, 250.000 kr. eina greiðsla listamannsins?

Svar: Nei, verðlaunaféð er í raun óháð kostnaði verksins. Eins og kemur fram í keppnislýsingu er gert ráð fyrir að innan 2.000.000.- fjárhagsrammans sé reiknaður efniskostnaður, tækjabúnaður, laun vegna vinnu við verkið auk höfundargreiðslu.

 

Spurning: Í keppnislýsingu er talað um að höfundar eigi að reikna sér höfundarlaun. Hvað er eðlilegt að sú upphæð sé há?

Svar: Það er venja fyrir því að höfundarlaun séu 15-20% af heildarkostnaði verksins.  

 

Spurning: Ef listamaðurinn vinnur stóran hluta af framkvæmdinni sjálfur, má hann þá reikna sér laun fyrir þá vinnu fyrir utan höfundarlaunin?

Svar: Já, ef listamaðurinn tekur sjálfur á sig verklega vinnu við verkið er eðlilegt að hann reikni sér laun á sama hátt og utanaðkomandi aðila yrði greitt fyrir sambærilega vinnu. Það er misjafnt eftir eðli verka hversu mikla vinnu höfundurinn vinnur sjálfur og hversu mikla vinnu þarf að kaupa af öðrum, t.d. iðnaðarmönnum. Í kostnaðaráætlun skal tilgreina hvernig þessu verður hagað, hversu mikla vinnu þarf að kaupa af iðnaðarmönnum, hve stóran hluta listamaðurinn vinnur sjálfur o.s.frv. Athugið að heildarupphæð má ekki fara yfir 2.000.000. - kr.  

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira