Hoppa yfir valmynd
Slice 1Created with Sketch.

Þorgerður Katrín Gunnarsdóttir

sjávarútvegs- og landbúnaðarráðherra

Þorgerður Katrín Gunnarsdóttir er sjávarútvegs- og landbúnaðarráðherra frá 11. janúar 2017.

Æviágrip

Þorgerður Katrín er fædd í Reykjavík 4. október 1965. Foreldrar: Gunnar H. Eyjólfsson (fæddur 24. febrúar 1926, dáinn 21. nóvember 2016) leikari og Katrín Arason (fædd 12. desember 1926) deildarstjóri. Maki: Kristján Arason (fæddur 23. júlí 1961) viðskiptafræðingur. Foreldrar: Ari Magnús Kristjánsson og Hulda Júlíana Sigurðardóttir. Börn: Gunnar Ari (1995), Gísli Þorgeir (1999), Katrín Erla (2003).

Stúdentspróf MS 1985. Lögfræðipróf HÍ 1993.

Lögfræðingur hjá Lögmönnum Höfðabakka 1993–1994. Yfirmaður samfélags- og dægurmáladeildar Ríkisútvarpsins 1997–1999. Menntamálaráðherra 31. desember 2003 til 1. febrúar 2009. Forstöðumaður mennta- og nýsköpunarsviðs Samtaka atvinnulífsins 2013–2016.

Í stjórn Orators, félags laganema við HÍ, 1989–1990. Í stjórn Stefnis, félags ungra sjálfstæðismanna í Hafnarfirði, 1993–1994. Varaformaður stjórnar fulltrúaráðs Sjálfstæðisflokksins í Hafnarfirði 1993–1994. Í stjórn Vinnumálastofnunar 1997–2001. Í stjórn Lánasjóðs íslenskra námsmanna 1997–2001. Í nefnd á vegum menntamálaráðuneytis um fjölmiðla og konur 1998–2000. Ýmis störf á vegum íþróttahreyfingarinnar. Varaformaður Sjálfstæðisflokksins 2005–2010. Í Þingvallanefnd 2009–2013. Formaður stjórnar Leikfélags Reykjavíkur frá 2013. Í stjórn Þroskahjálpar frá 2011.

Alþingismaður Reyknesinga 1999–2003, alþingismaður Suðvesturkjördæmis 2003–2013 (Sjálfstæðisflokkur), alþingismaður Suðvesturkjördæmis síðan 2016 (Viðreisn).

Menntamálaráðherra 2003–2009.

Allsherjarnefnd 1999–2004 (formaður 1999–2003), menntamálanefnd 1999–2003 og 2010, samgöngunefnd 1999–2004, sérnefnd um stjórnarskrármál 2000–2003, iðnaðarnefnd 2004, kjörbréfanefnd 2003–2004, utanríkismálanefnd 2009–2010, sérnefnd um stjórnarskrármál 2010–2011, heilbrigðisnefnd 2010, fjárlaganefnd 2010–2011, allsherjar- og menntamálanefnd 2011–2013.

Íslandsdeild þingmannanefndar EFTA 1999–2003 (formaður 2003) og 2009–2011, Íslandsdeild þingmannanefnda EFTA og EES 2011–2013.

 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira