Skipulag

Skrifstofur atvinnuvega- og nýsköpunarráðuneytisins samanstanda af  fagskrifstofum, skrifstofu ráðuneytisstjóra og einni stoðskrifstofu sem starfar þvert á ráðuneytið.

Fagskrifstofur ráðuneytisins eiga að sjá til þess að ávallt sé unnið faglega að undirbúningi mála og að þekking starfsmanna sé nýtt og henni viðhaldið. Fagskrifstofurnar bera ábyrgð á lagaramma og regluverki þeirra málaflokka sem eru á þeirra forræði, í samráði við stofnanir ráðuneytisins.

Stoðskrifstofa ráðuneytisins skal sjá til þess að ávallt séu til staðar stjórnunar- og fjárhagslegar upplýsingar til undirbúnings og stuðnings við ákvarðanatöku hjá ráðuneytinu og stofnunum þess eftir því sem við á.

Markmiðið með þessu stjórnskipulagi er að treysta stefnumótun og samræma aðgerðir og vinnubrögð við framkvæmd stefnu ráðuneytisins og ráðherra. Jafnframt felur stjórnskipulagið í sér eflingu á innri starfsemi ráðuneytisins með áherslu á markvissa stjórnun.

Skrifstofa ráðuneytisstjóra

Hlutverk skrifstofunnar er að styrkja starfsemi ráðuneytisins á sviði lagalegra úrlausnarefna og vera jafnframt í forsvari gagnvart alþjóðasamstarfi og réttindamálum á málefnasviðum þess. Miðlun upplýsinga heyrir undir skrifstofuna sem og dagleg umsýsla verkefna er tengjast ráðherrum.

Starfsfólk skrifstofunnar.

Skrifstofa landbúnaðarmála

Skrifstofa matvælaöryggis og fiskeldis

Skrifstofa sjávarútvegsmála

Skrifstofa orku, iðnaðar og viðskipta

Hlutverk skrifstofunnar er að skapa orku-, viðskipta-, iðnaðar-, og nýfjárfestingamálum hagkvæma og skilvirka umgjörð, skýrar leikreglur og vinna að stefnumótun á þessum sviðum.

Starfsfólk skrifstofunnar.

Skrifstofa ferðamála og nýsköpunar

Hlutverk skrifstofunnar er að skapa ferðaþjónustunni og málefnum nýsköpunar hagkvæma og skilvirka umgjörð og treysta grundvöll þeirra  með skýrum leikreglum og stefnumótun. 

Starfsfólk skrifstofunnar.

Skrifstofa fjárlaga, rekstrar og innri þjónustu

Hlutverk skrifstofunnar er að halda utan um þau mál sem lúta að rekstri ráðuneytisins, mannauðsmálum, gæðamálum, skjalavistun og tölvuþjónustu, í samstarfi við Rekstrarfélag Stjórnarráðsins, auk þess að veita fagskrifstofunum fjórum margvíslega stoðþjónustu.

Öryggismál, móttaka gesta og afgreiðsla heyrir undir skrifstofuna. 

Þá fer skrifstofan með rekstur ráðuneytisins, innkaup, skiptingu á fjárhagsramma og annast framkvæmd og eftirfylgni fjárlaga. Rekstrarlegt eftirlit með stofnunum ráðuneytisins, umsjón með fjárlagavinnu stofnana og gefur út til þeirra fjárveitingbréf. Kostnaðarmat frumvarpa ásamt eftirliti með samningagerð ráðuneytisins heyrir einnig undir skrifstofuna.

Starfsfólk skrifstofunnar.