Félagsmálaráðuneytið tók til starfa 1. janúar 2019  í samræmi við forsetaúrskurð nr. 118/2018 um skiptingu Stjórnarráðs Íslands í ráðuneyti.

Félags- og barnamálaráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. 

Verkefni félagsmálaráðuneytisins varða félags- og fjölskyldumál, lífeyristryggingar almannatrygginga, húsnæðismál, vinnumál, mannvirki og undir ráðuneytið heyrir úrskurðarnefnd velferðarmála.

Ráðuneytisstjóri stýrir ráðuneytinu undir yfirstjórn ráðherra. Ráðuneytisstjóri er Gissur Pétursson.

Þann 7. maí 2018 var ný ráðuneytisstofnun, Gæða- og eftirlitsstofnun félagsþjónustu og barnaverndar opnuð formlega og er hún starfrækt sem ráðuneytisstofnun sem telst ekki til aðalskrifstofu ráðuneytisins, en nýtur stoðþjónustu ráðuneytisins, eins og fagskrifstofur þess. Stofnunin (GEF) sækir umboð sitt til 17. gr. laga um Stjórnarráð Íslands nr. 115/2011. Með lagabreytingu nr. 82/2015 var veitt heimild til að setja á fót sérstakar starfseiningar eða ráðuneytisstofnanir sem væru starfræktar sem hluti af ráðuneyti.

Verkefni ráðuneytisins eru skilgreind í forsetaúrskurði um skiptingu stjórnarmálefna milli ráðuneyta í Stjórnarráði Íslands, nr. 119/2018.

• Um fjármál ráðuneytanna
• Merki ráðuneytisins
• Stefnur