Hoppa yfir valmynd

Ræða eða grein fyrrum ráðherra

29. apríl 1997 MatvælaráðuneytiðFinnur Ingólfsson, iðnaðar- og viðskiptaráðherra 1996-1999

Presentation at the Conference: "Information Technology in Fisheries and Aquaculture", Apríl 4, 1997. 

 


 

I.

Distinguished foreign guests, ladies and gentlemen.

It is with great pleasure that I accept the opportunity to adress this Conference on Information Technology in Fisheries and Aquaculture. Fisheries and fishing industry play a major role in our every day life and are dominating factors in the Icelandic economy. Aquaculture is a growing industry and Information Technology is the key to continuous growth of the economy and a prosperous future for our citizens and their well being in general.

I welcome our guests from the Commission which have made this Conference possible and have helped in its preparation. I also welcome all our other foreign guests which have come to us from Greenland, Ireland, the UK, Germany and Finland.

Please allow me to revert back to Icelandic for some brief opening remarks.
II.

Ágætu ráðstefnugestir.
Mikilvægasta verkefni okkar á komandi árum er að bæta samkeppnisstöðu atvinnuveganna sem leiða mun til - nýrra, - fjölbreyttari og - betur launaðra starfa. Í þessu felst m.a. sú viðleitni okkar að greina styrkleika Íslands í alþjóðlegu viðskiptaumhverfi og finna leiðir til að nýta auðlindirnar en ekki síður mannauðinn til víðtækrar nýsköpunar í atvinnulífinu.

Upplýsingatæknin mun skipta sköpum í þeim efnum og er mikilvægt að við sláum hvergi slöku við í að tileinka okkur allt það nýjasta og besta sem getur orðið okkur til framdráttar. Þar sem hæfnin til að nýta upplýsingatæknina verður sífellt mikilvægari í alþjóðlegri samkeppni er brýnt að atvinnulífið og stjórnvöld vinni saman að því að upplýsingatæknin nýtist atvinnulífinu sem allra best og á sem allra flestum sviðum. Meðal annars er ljóst að með markvissri nýtingu uppýsingatækninnnar má auka hagræðingu og framleiðni á öllum sviðum íslensks atvinnulífs. Þetta á augljóslega við í framleiðslugreinunum en mun ekki einskorðast við þær. Upplýsingatæknin mun breyta öllum atvinnuháttum okkar og öllum samskiptum manna á milli.

Ein helsta sérstaða upplýsingatækninnar er að hún tengist öllum greinum atvinnulífsins með einum eða öðrum hætti. Þetta hefur m.a. orðið til þess að hin hefðbundna skipting atvinnulífsins í -landbúnað, -sjávarútveg og -iðnað verður stöðugt óljósari. Upplýsingatæknin hefur þannig glögglega sýnt okkur á óumdeilanlegan hátt að hagsmunir þessara höfguðatvinnugreina okkar eru ekki andstæðir heldur sameiginlegir í umhverfi þar sem einn getur ekki án annars verið. Þannig undirstrikar upplýsingaiðnaðurinn mikilvægi heildstæðrar og þverfaglegrar atvinnustefnu.

Gleggsta dæmið um þetta eru hin samfléttuðu tengsl iðnaðar og sjávarútvegs. Sjávarútvegurinn hefur um langt árabil verið ein helsta undirstaða íslensks atvinnulífs og skapað um helming gjaldeyristekna okkar. Í skjóli hans hefur vaxið upp öflugur iðnaður sem í rás tímans hefur þróast úr eldsmíði í flókinn hátækniiðnað. Sú þróun byggir á sérhæfðri tæknikunnáttu sem stendur styrkum fótum á grunni mikillar og almennrar þekkingar á þörfum atvinnulífsins.

Þessi samfléttuðu tengsl sjávarútvegs og iðnaðar, auk fjölmargs annars, eru hér til umfjöllunar í dag - og það er tímanna tákn að öll sú umræða mun hverfast um upplýsingatæknina og hugbúnaðariðnaðinn.

Gott brautargengi hugbúnaðariðnaðarins má fyrst og fremst þakka dugmiklum skapandi einstaklingum sem með þekkingu sinni og eljusemi hafa komist yfir ótrúlegar hindranir og náð aðdáunarverðum árangri á margvíslegum sviðum upplýsingatækninnar. Það eru þessir menn og fyrirtæki þeirra sem munu draga vagninn inn í velferðarþjóðfélag komandi ára.

Hlutverk stjórnvalda er fyrst og fremst að skapa og viðhalda hagstæðum ytri skilyrðum til þess að sú ferð verði sem greiðust. Lykilatriðin í því sambandi eru hagstæð efnahagsskilyrði, afnám óþarfa hindrana og heilbrigt samkeppnisumhverfi.
III.

Ágætu ráðstefnugestir.
Nýsköpun er lykillinn að því að auka framleiðni og skapa ný störf í heimi aukinnar samkeppni. Fyrir okkur, eins og margar aðrar þjóðir, mun nýsköpun tengd upplýsingaiðnaði gegna veigamiklu hlutverki. Mér segir svo hugur, að þrátt fyrir smæð okkar á þessu sviði, sem svo mörgum öðrum í alþjóðlegu samhengi, megi þar vænta umtalsverðs árangurs. Ég tel jafnframt raunhæft að álykta að ýmis konar iðnaðarframleiðsla, sem byggir á háþróuðum hugbúnaði, verði undirstaða nýrrar atvinnuþróunar og aukins hagvaxtar á komandi árum.

Það er von mín að ráðstefna þessi reynist ykkur gefandi, - að þið fáið tækifæri til að kynnast því nýjasta sem er að gerast á þeim mikilvægu sviðum sem til umfjöllunar verða og - að hún geti, nú eða síðar, orðið uppspretta að nýjum samstarfsverkefnum. Með þessum óskum lýsi ég ráðstefnuna "Information Technology in Fisheries and Aquaculture" setta.

Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum