Hoppa yfir valmynd
Táknmál
Loka

Mennta- og menningarmálaráðuneytið

Sölvhólsgötu 4
101 Reykjavík
Sími: 545 9500
Netfang: [email protected]
Kt.: 460269-2969

Afgreiðsla ráðuneytisins er opin virka daga kl. 8.30–16.00.

Starfsfólk

Menntamálaráðuneytið var formlega stofnað 1. júní 1947 þegar ákveðið var að forsætis- og menntamálaráðuneytið skyldu framvegis starfa undir sama ráðuneytisstjóra. Þetta hélst óbreytt til 1. janúar 1970, en þá var þeim skipt í tvö ráðuneyti. Heiti ráðuneytisins var með lögum breytt í mennta- og menningarmálaráðuneyti 1. október 2009.

Hlutverk

Helstu málefni sem ráðuneytið fer með eru menntamál, rannsóknar- og vísindastarfsemi, listir og menningararfur, safnamál, fjölmiðlar, íþróttamál og æskulýðsstarfsemi og málefni íslenskrar tungu og táknmáls.

Ráðherra, Lilja Alfreðsdóttir, fer með yfirstjórn ráðuneytisins og ber ábyrgð á öllum stjórnarframkvæmdum þess. Allar embættisfærslur starfsmanna eru gerðar í umboði ráðherra.

Ráðuneytisstjóri stýrir ráðuneytinu undir yfirstjórn ráðherra.

Mennta- og menningarmálaráðuneyti er skipt í fimm skrifstofur: Skrifstofu mennta og vísinda, skrifstofu menningarmála, skrifstofu stefnumótunar og fjárlagagerðar, skrifstofu laga og stjórnsýslu og skrifstofu yfirstjórnar.

Verkefni ráðuneytisins eru skilgreind í forsetaúrskurði um skiptingu stjórnarmálefna milli ráðuneyta í Stjórnarráði Íslands. Stefna mennta- og menningarmálaráðuneytis 2016-2020.

Mennta- og menningarmálaráðuneytið

Menningarstarfsemi og COVID-19

Leiðbeiningar fyrir menningarstarfsemi og viðburði, unnar í samvinnu við Embætti landlæknis og Almannavarnardeild ríkislögreglustjóra.

- Leiðbeiningar, 11. september 2020.

 

Hvað gerum við

Hlutverk mennta- og menningarmálaráðuneytis er að stuðla að öflugu menningarlífi og mennta- og vísindastarfsemi til að auka lífsgæði fólks í landinu. Framtíðarsýnin er að starf á sviði mennta, vísinda, menningar og lista verði í fremstu röð. Helstu málefni sem mennta- og menningarmálaráðuneytið fer með eru menntamál, rannsóknir og vísindi, listir og menningarstarf, fjölmiðlar, íþróttamál og æskulýðsstarfsemi. Ráðuneytið er annars vegar skrifstofa ráðherra sem mótar stefnur og áherslur í málaflokkum og hins vegar æðsta stjórnsýslustig framkvæmdavaldsins sem hrindir stefnum í framkvæmd, gætir þess að farið sé að lögum og reglum og hefur eftirlit með framkvæmd.

Nánar

Helstu verkefni mennta- og menningarmálaráðuneytisins

RÁÐUNEYTIÐ VEKUR ATHYGLI Á

STEFNUSKJAL OG ÞRIGGJA ÁRA ÁÆTLUN

Kallað hefur verið eftir stefnumiðaðri áætlun (stefnuskjali) og þriggja ára áætlun frá stofnunum ráðuneytisins og öðrum aðilum.

FJÁRLAGAFRUMVARP 2020

Samráð

Drög að lagafrumvörpum, reglugerðum og stefnum eru að jafnaði sett á vefinn til samráðs og umsagnar.

Mennta- og menningarmálaráðherra

Lilja Alfreðsdóttir

Lilja Alfreðsdóttir tók við embætti mennta- og menningarmálaráðherra 30. nóvember 2017. Hún hefur setið á Alþingi fyrir Framsóknarflokkinn í Reykjavíkurkjördæmi suður síðan 2016 en var þar áður aðstoðarframkvæmdastjóri á skrifstofu alþjóðasamskipta og markaðsmála í Seðlabanka Íslands, ráðgjafi hjá Alþjóðagjaldeyrissjóðnum í Washington DC frá 2010 til 2013 og verkefnisstjóri í forsætisráðuneytinu 2014-2015. Lilja Alfreðsdóttir var utanríkisráðherra frá 7.apríl 2016 til 11. janúar 2017.

- Nánar ...

- Dagskrá ráðherra


Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira