Hoppa yfir valmynd

Stefnumótun

 

 

Stefnupíramídi samgöngu- og sveitarstjórnarráðuneytisins.

 

Hlutverk: Traust, leiðandi og framsækið stjórnvald. 

Gildi: Framsýni – Árangur – Traust 

Framtíðarsýn: Ísland er í fremstu röð með trausta og örugga innviði, öflug sveitarfélög, verðmætasköpun og framsækna þjónustu. Tækni tengir byggðir og Ísland við umheiminn í jafnvægi við umhverfið. 

Meginmarkmið: 
• Þjónusta samgöngu- og fjarskiptakerfa mæti þörfum samfélagsins.
• Sjálfbærar byggðir og sveitarfélög um land allt. 

Markmið – Mælikvarðar – Aðgerðir: Stefnumið ráðherra, áætlanir ráðuneytisins og dagleg verkefni.

 

Löng hefð er fyrir stefnumótun og áætlanagerð í samgöngu- og sveitarstjórnarráðuneytinu. Ráðuneytið hefur unnið stefnupíramída fyrir starfsemina þar sem fram kemur hvernig hlutverk þess, gildi og framtíðarsýn tengist fagstefnum og áætlunum.

Stefnur og aðgerðaáætlanir fyrir málaflokka ráðuneytisins hafa verið samþykktar af Alþingi og eru samgönguáætlun, fjarskiptastefna, byggðaáætlun og stefna í sveitarstjórnarmálum. Þær eiga það sameiginlegt að vera unnar eftir samræmdum vinnubrögðum og ráðherraskipuð ráð stýra vinnslu þeirra.

Skipulag

Ráðherra skipar samgönguráð, byggðamálaráð, fjarskiptaráð og starfshóp um stefnu í sveitarstjórnarmálum. Ráðin leggja fram tillögu að 15 ára stefnu og fimm ára aðgerðaáætlun fyrir hvern málaflokk með forgangsröðun, að fengnum áherslum ráðherra. Endurskoðun fer fram á allt það þriggja ára fresti.
Með hverju ráði starfar verkefnisstjóri og í stefnumótunarhópi ráðuneytisins vinna þeir enn fremur að samhæfingu stefna og áætlana. Unnið er eftir samræmdu skipulagi og með verkfærum Stjórnarráðsins í stefnumótun. 

Árangur og sýnileiki

Í aðgerðaáætlunum stefnanna er að finna markmið og mælikvarða sem marka framganginn. Ár hvert er staða þeirra birt í ársskýrslu ráðherra, sbr. lög um opinber fjármál, nr. 125/2015.

Samhæfing

Unnið er að samhæfingu stefna og áætlana ráðuneytisins sem byrjar með sameiginlegri framtíðarsýn og sameiginlegum meginmarkmiðum allra málaflokka. Málefnin mynda eina heild þar sem starfsemi í einum málaflokki hefur áhrif á hina. Fátt hefur til að mynda meiri áhrif á þróun byggðar en samgöngur; fjarskipti eru mikilvægt byggðamál og samgöngubætur hafa áhrif á sameiningu sveitarfélaga.

 

 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira