Hoppa yfir valmynd

Borgaraþjónusta

Þjónusta við Íslendinga

Aðalræðisskrifstofan aðstoðar íslenska ríkisborgara og fyrirtæki í samskiptum við fyrirtæki og stjórnvöld og dreifir upplýsingum og fróðleik um Ísland ásamt því að taka þátt í kynningum um land og þjóð.

Íslendingar í Færeyjum

Samkvæmt upplýsingum frá Fólkayfirlitinu eru um 200 Íslendingar búsettir í Færeyjum. Hér er starfandi Íslendingafélagið Frón sem hefur um 70 meðlimi. Sjá Facebook: @FelagidFron.

Útflutningur ferðamanna á kjöti til Íslands

Ferðamenn frá Færeyjum mega taka með sér til Íslands allt að 10 kg af kjöti (skerpikjöti / ræstu kjöti) að fengnu leyfi frá MAST. Sjá nánar hér: www.mast.is/english/frontpage/import-export/import/rawmeat/

Allt um kosningar má finna á vefnum www.kosning.is.

Spurningar og svör

1. Get ég kosið í Færeyjum?

SVAR: Já, íslenskir ríkisborgar geta kosið í Alþingiskosningum utan kjörfundar allt að 8 vikum fyrir kjördag ef þeir eru á kjörskrá.

2. Hvar ger ég kosið:

SVAR: Á aðalræðisskrifstofu Íslands, Ydun, Reyngöta 9, kl. 10-15 virka daga. Kjósandinn ber ábyrgð á sendingu atkvæðisins sem þarf að berast kjörstjórn í síðasta lagi á kjördag.

3.Hverjir eru á kjörskrá sem búa erlendis?

SVAR: Íslenskur ríkisborgari sem hefur:

a) lögheimili á Íslandi,

b) flutt lögheimili sitt erlendis innan 8 ára talið frá 1. desember næstum fyrir kjördag,

c) fyrir þann tíma, sótt um að vera tekinnn inn á kjörskrá til Þjóðskrá Íslands ([email protected]) fyrir tiltekinn frest fyrir kosningar. Slík skráning gildir í 4 ár. Eyðublað vegna þessa má nálgast hér: https://skra.eydublod.is/Forms/Form/A-290

4. Hvernig get ég fengið staðfest að ég sé á kjörskrá?

SVAR:

a) Þessu má fletta upp á vefnum með því að fara inn á www.skra.is, smella á Kjörskrá og kosningaréttur, síðan Hvar ertu á kjörskrá og slá inn kennitölu. Ef ekkert kemur upp þá ertu ekki á kjörskrá.

b) Einnig er hægt að senda fyrirspurn til Þjóðskrár á [email protected]

Vegabréf Íslendinga

Ekki er hægt að sækja um vegabréf hjá aðalræðisskrifstofunni í Færeyjum.

Í brýnustu neyð getur aðalræðisskrifstofan gefið út neyðarvegabréf. Neyðarvegabréf eru einungis gefin út ef umsækjandi getur ekki sótt vegabréf í sendiráði eða á Íslandi. Taka skal fram að neyðarvegabréf eru ekki ákjósanleg ferðaskilríki. Nánar hér um útgáfu ferðaskilríkja erlendis á vef utanríkisráðuneytisins.

Búnaður til að taka við umsóknum um vegabréf er í eftirtöldum sendiráðum Íslands erlendis: Berlín, Brussel, Genf, Helsinki, Kaupmannahöfn, Kampala, Lilongwe, London, Moskvu, Nýju-Delí, Osló, París, Peking, Stokkhólmi, Tókýó, Vín, Washington DC, og á aðalræðisskrifstofum í New York og Nuuk. Á þessum sendiskrifstofum er því hægt að sækja um vegabréf. Á næstunni  verður bætt við búnaði á skrifstofum okkar í Ottawa og Winnipeg.

Vegabréf og ferðaskilríki útlendinga

Ferðamenn til Íslands þurfa almennt að hafa vegabréf, en önnur ferðaskilríki eru heimiluð í vissum tilfellum. Færeyingar og aðrir Norðurlandabúar sem ferðast beint frá Færeyjum til Íslands þurfa ekki vegabréf en þurfa að geta sýnt skilríki með mynd, m.a. að kröfu flug- og skipafélaga. Nánar hér um ferðaskilríki á vef utanríkisráðuneytisin (á ensku).

Vegabréfsáritanir (Visa)

Erlendir ferðamenn til Íslands þurfa Schengen-vegabréfsáritun, nema séu þeir undanþegnir (sem á við um flesta Evrópubúa). Aðalræðisskrifstofan tekur ekki á móti umsóknum um áritanir og gefur ekki út áritanir. Ferðamenn frá Færeyjum sem þurfa Schengen-áritun til Íslands þurfa að senda umsókn beint til Útlendingarstofnunar. Áritunin er gefin út við komu til Íslands. Nánari hér um áritanir á vef Útlendingastofnunar. 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Veldu tungumál

Veldu tungumál

Þessi síða notar vafrakökur Lesa meira