11. mars 2019 Utanríkisráðuneytið

Ræddu fríverslun með sjávarafurðir

Guðlaugur Þór Þórðarson utanríkisráðherra átti í dag fund með Ceciliu Malmström, framkvæmdastjóra Evrópusambandsins (ESB) á sviði viðskipta. Megintilgangur fundarins var að ræða mögulega fríverslun með fisk og fiskafurðir við ESB.

Guðlaugur Þór sagði mikilvægt að vinna að greiðari markaðsaðgangi fyrir íslenskar sjávarafurðir inn á evrópska markaði. „EES-samningurinn lágmarkar tæknilegar viðskiptahindranir með samhæfðu regluverki en við höfum bent á mikilvægi frekari tollalækkana þegar kemur að fiski og fiskafurðum,“ sagði Guðlaugur Þór eftir fundinn. „Samningurinn er án efa mikilvægasti viðskiptasamningur Íslands en við munum áfram leitast eftir því að Evrópusambandið komi til móts við okkur hvað þetta varðar,“ sagði Guðlaugur Þór.

Á fundinum ræddu þau einnig áframhaldandi gott samstarf EES-ríkjanna, viðskipti með landbúnaðarvörur, uppbyggingarsjóð EES og útgöngu Bretlands úr Evrópusambandinu.

Var efnið hjálplegt?

Nei Já

Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Hafa samband

Ábending / fyrirspurn

Hafa samband

Skilaboðin hafa verið send ráðuneytinu til afgreiðslu.