Hoppa yfir valmynd
26. nóvember 2020 Utanríkisráðuneytið

Alþjóða- og öryggismál í brennidepli

Í dag fór fram árlegt tvíhliða samráð íslenskra og breskra stjórnvalda um alþjóða- og öryggismál og var um fjarfund að ræða í ljósi aðstæðna. Meðal þess sem rætt var á samráðsfundinum voru málefni norðurslóða, sér í lagi formennska Íslands í Norðurskautsráðinu, netöryggi, loftslagsmál, þróunarsamvinna og mannréttindi og hvernig megi enn frekar styrkja gott samstarf ríkjanna, bæði tvíhliða sem og innan alþjóðastofnana enda eru ríkin tvö um margt líkt þenkjandi.

Íslensk og bresk stjórnvöld gengu fyrr á árinu frá samstarfsyfirlýsingu til 2030 sem nú er unnið að því að hrinda í framkvæmd. Á hennar grunni var m.a. undirrituð sérstök samstarfsyfirlýsing um sjávarútvegsmál nýlega. Þá eiga Ísland og Bretland í fjölþættu samráði um framtíðarsamband ríkjanna eftir útgöngu Breta úr ESB og hefur þegar verið gengið frá ýmsum lausum endum í því samhengi, m.a. varðandi flugsamgöngur, borgararéttindi og vöruviðskipti. Viðræður um framtíðarfríverslunarsamning ríkjanna standa yfir.

Í ár eru 80 ár frá því að stjórnmálasambandi ríkjanna var komið á og því vel við hæfi að horfa fram á veginn í framtíðarsambandi þessara nánu vinaþjóða.


Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum