Dagpeningar ríkisstarfsmanna á ferðalögum erlendis - auglýsing nr. 3/2004
Ferðakostnaðarnefnd hefur ákveðið dagpeninga til greiðslu ferðakostnaðar ríkisstarfsmanna á ferðalögum erlendis á vegum ríkisins sem hér segir:
| Almennir dagpeningar: | Gisting | Annað | Smt. | |
| London, New York borg, Washington DC og Tókíó | SDR |
145 |
110 |
255 |
| Annars staðar | SDR |
110 |
100 |
210 |
| Dagpeningar vegna þjálfunar, náms eða eftirlitsstarfa: | ||||
| London, New York borg, Washington DC og Tókíó | SDR |
93 |
70 |
163 |
| Annars staðar | SDR |
70 |
64 |
134 |
Ákvörðun þessi gildir frá og með 1. júní 2004. Jafnframt fellur úr gildi auglýsing nr. 3/2003 dagsett 3. júní 2003.
Í umburðarbréfi nefndarinnar er kveðið nánar á um tilhögun greiðslu dagpeninga til ríkisstarfsmanna. Vakin er athygli á nýrri grein sem hljóðar svo:
Heimilt er að víkja frá venjulegum dagpeningagreiðslum þegar sérstaklega stendur á svo sem þegar óhjákvæmilegt er talið að gista á dýrari hótelum, til dæmis vegna ráðstefnuhalda. Í slíkum tilvikum greiðist kostnaður eftir reikningum sem hlutaðeigandi ráðuneyti úrskurðar enda fylgi reikningi greinargerð um nauðsyn þessa aukakostnaðar. Notkun þessa ákvæðis er háð sérstakri ákvörðun forstöðumanns/ráðuneytis hverju sinni.
Umburðarbréfið ásamt auglýsingu ferðakostnaðarnefndar um dagpeninga er að finna á vefsíðu fjármálaráðuneytisins og er veffangið eftirfarandi: http://fjarmalaraduneyti.is/ferdakostn.html
Reykjavík, 26. maí 2004
Ferðakostnaðarnefnd
Athugið að leyfilegur frádráttur á móti dagpeningum, samkvæmt skattmati ríkisskattstjóra, þarf ekki að vera sama fjárhæð og Ferðakostnaðarnefnd ákvarðar að greiða skuli starfsmönnum ríkisins vegna ferða á vegum launagreiðanda. Sé leyfilegur frádráttur lægri ber að skila staðgreiðslu af mismuninum.
Sjá upplýsingar um dagpeninga hjá ríkisskattstjóra og upplýsingar um dagpeninga - skattmat hjá ríkisskattstjóra.