Hoppa yfir valmynd

Frétt

19. janúar 2005 Heilbrigðisráðuneytið

Hegðunarvandi og geðraskanir barna og unglinga

Ráðstefna á vegum Barnaverndarstofu, Barna- og unglingadeildar LSH, Miðstöðvar heilsuverndar barna og Landlæknisembættisins verður haldin á Grand Hótel í Reykjavík dagana 3. og 4. febrúar 2005. Yfirskrift ráðstefnunnar er Hegðunarvandi og geðraskanir barna og unglinga – Forvarnir, meðferð og samþætting þjónustu.

Til ráðstefnunnar hefur verið boðið þremur erlendum gestum sem flytja fyrirlestra, þeim Poul Nissen sálfræðingi frá Danmörku, Tore Andreassen sálfræðingi og Lars Hammer barna- og unglingageðlækni, sem báðir koma frá Noregi. Auk þess flytja fjölmargir íslenskir sérfræðingar erindi á ráðstefnunni. Í lok fyrri dagsins verða umræður, en ráðstefnunni lýkur með pallborðsumræðum með þátttöku stjórnmálamanna og fulltrúa frá helstu stofnunum sem sinna geðheilbrigði barna og unglinga.

Á heimasíðu landlæknis eru upplýsingar um fyrirkomulag vegna skráningar, þátttökugjald og þar er dagskrá ráðstefnunnar birt.

http://www.landlaeknir.is



Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum