Virkjun Fjarðarár í Seyðisfirði er ekki háð mati á umhverfisáhrifum
Umhverfisráðherra staðfesti með úrskurði þann 26. janúar sl. ákvörðun Skipulagsstofnunar um að virkjun Fjarðarár í Seyðisfirði skuli ekki háð mati á umhverfisáhrifum.
Það voru Landvernd, Náttúruverndarsamtök Austurlands, Helgi Hallgrímsson, Hjörleifur Guttormsson, og Ingólfur Steinsson og Kristín Steinsdóttir sem kærðu ákvörðun Skipulagsstofnunar frá 18. ágúst 2005 um að virkjun Fjarðar ár í Seyðisfirði skuli ekki háð mati á umhverfisáhrifum.
Í úrskurðinum er fallist á að um breytingu á framkvæmd sé að ræða og að ekki sé líklegt að framkvæmdin muni hafa í för með sér umtalsverð umhverfisáhrif.