Nýr vefur Lyfjastofnunar opnaður við athöfn í Iðnó
Heilbrigðisráðherra, Siv Friðleifsdóttir, opnaði nýjan vef Lyfjastofnunar við athöfn í Iðnó í morgun. Nýi vefurinn á að þjóna betur helstu markhópum stofnunarinnar sem eru; almenningur, lyfjafyrirtæki og heilbrigðisstéttir. Þá hafa verið gerðar endurbætur á enska hluta vefsins til að þjóna betur erlendum viðskiptavinum. Aðgengi að lyfjaupplýsingum fyrir heilbrigðisstéttir (Sérlyfjaskrá) og almenning hefur einnig verið bætt.
Í tengslum við opnunina hefst framkvæmd á tilraunaverkefni á vegum stofnunarinnar þar sem almenningi verður gefinn kostur á að tilkynna aukaverkanir lyfja beint til Lyfjastofnunar. Fram að þessu hefur einungis verið tekið við tilkynningum frá heilbrigðisstarfsfólki. Leiðbeiningar um tilkynningar almennings á aukaverkunum er að finna á nýju heimasíðunni.