Þórunn Sveinbjarnardóttir umhverfisráðherra hefur í dag og í gær heimsótt stofnanir sem heyra undir ráðuneytið. Í gær heilsaði hún upp á starfsfólk Umhverfisstofnunar og sagðist við það tilefni vera full tilhlökkunar að takast á við þau mörgu verkefni sem biðu hennar. Hún kvaðst þess fullviss að starfsmenn Umhverfisstofnunar hefðu miklar væntingar til hennar sem ráðherra en hún bæri ekki síður væntingar í brjósti til starfsmanna Umhverfisstofnunar og samstarfið yrði áreiðanlega gjöfult.

Í dag heimsótti umhverfisráðherra Landmælingar Íslands, Brunamálastofnun og Skipulagsstofnun. Á morgun sækir hann Veðurstofu Íslands heim og opnar formlega nýjan vef stofnunarinnar.