Upplýsingabæklingurinn Fyrstu skrefin hefur verið endurprentaður á ensku, rússnesku, þýsku, litháísku og pólsku. Hægt er að panta bæklinginn með því að hafa samband við félags- og tryggingarmálaráðuneytið í síma 545 8100 eða með því að senda póst á netfangið [email protected]  

Í bæklingnum er að finna hagnýtar upplýsingar um mikilvæg atriði í íslenskri stjórnsýslu á mörgum tungumálum. Bæklingurinn var þýddur á alls níu tungumál en textinn er ævinlega birtur bæði á íslensku og hinu erlenda tungumáli. Með þeim hætti getur hann nýst starfsfólki sem vinnur með innflytjendum við að kynna þeim íslenskt samfélag. Á sama hátt hefur útlendingurinn alltaf íslenska textann til hliðar þegar hann kynnir sér bæklinginn á hinu erlenda tungumáli.

Auk ofangreindra tungumála er hægt að prenta bæklinginn út á spænsku, víetnömsku, taílensku og serbnesku af heimasíðu félagsmálaráðuneytisins.