Á sjötta Stefnumóti umhverfisráðuneytisins og Stofnunar Sæmundar fróða verður fjallað um aukna umferð skipa með ströndum Íslands, vandamál sem kunna að fylgja og viðbrögð við þeim. Stefnumótið fer fram í fundarsal Þjóðminjasafnsins, fimmtudaginn 31. janúar og hefst klukkan 12:00.  

Kristján Geirsson, fagstjóri á stjórnsýslusviði Umhverfisstofnunar og Ásgrímur L. Ásgrímsson, yfirmaður vaktstöðvar siglinga hjá Landhelgisgæslu Íslands, flytja erindi. Að þeim loknum verður opnað fyrir umræður.

Stefnumót umhverfisráðuneytisins og Stofnunar Sæmundar fróða um sjálfbæra þróun eru opnir fundir um ýmis umhverfismál sem efst eru á baugi hverju sinni.