Þingsályktun um framkvæmdaáætlun í málefnum innflytjenda sem samþykkt var samhljóða á Alþingi í lok vorþings hefur verið birt. Í áætluninni eru tíunduð þau verkefni sem unnið skal að til að tryggja réttindi íbúa af erlendum uppruna, aðgang þeirra að opinberri þjónustu og aðlögun.

Ályktun Alþingis byggir á framkvæmdaáætlun ríkisstjórnarinnar í málefnum innflytjenda sem birt var sem athugasemdir við þingsályktunartillöguna þegar hún var lögð fyrir Alþingi af hálfu félags- og tryggingamálaráðherra. Í framkvæmdaáætluninni er gerð grein fyrir því hvernig ríkisstjórnin hyggst vinna að framgangi þeirra verkefna sem þingsályktunin tekur til.

• Þingsályktun um framkvæmdaáætlun í málefnum innflytjenda
• Tillaga til þingsályktunar um framkvæmdaáætlun í málefnum innflytjenda ásamt framkvæmdaáætlun ríkisstjórnarinnar með athugasemdum