Fyrstu fundir nýrra sveitarstjórna í næstu viku
Í kjölfar sveitarstjórnarkosninganna í lok maí eru sveitarstjórnarmenn að undirbúa fyrsta fund sem halda skal 15 dögum eftir kjördag. Talsvert er um að sveitarstjórnarmenn leiti til samgöngu- og sveitarstjórnarráðuneytisins um ýmsar leiðbeiningar til dæmis um framkvæmd kjörs í ráð og nefndir.
Stefanía Traustadóttir, sérfræðingur á skrifstofu ráðuneytisins á sviði sveitarstjórnarmála, segir að í aðdraganda kosninganna hafi nokkuð verið leitað til ráðuneytisins eftir upplýsingum varðandi sjálfar kosningarnar. Ábyrgð á framkvæmd sveitarstjórnarkosninga var á síðasta ári færð frá samgöngu- og sveitarstjórnarráðuneytinu til dóms- og mannréttindaráðuneytisins en hins vegar hefur verið leitast við að svara spurningum einnig hér í ráðuneytinu eftir því sem unnt er.
Samgöngu- og sveitarstjórnarráðuneytið sér eftir sem áður um eftirlit með störfum sveitarstjórna og sinnir margs konar verkefnum og upplýsingagjöf varðandi sveitarstjórnarmál. Stefanía segir að nú í kjölfar kosninga leiti sveitarstjórnarmenn víða af landinu eftir ýmsum upplýsingum bæði til ráðuneytisins og Sambands íslenskra sveitarfélaga. Meðal annars segir hún spurt hvernig standa eigi að kjöri í ráð og nefndir, hvernig eigi að standa að breytingum á samþykktum sveitarfélaganna og hvort halda eigi námskeið fyrir þá sem nýir eru í sveitarstjórnum en Samband íslenskra sveitarfélaga hefur haldið slík námskeið að loknum nokkrum síðustu sveitarstjórnarkosningum.
Um kjör í ráð og nefndir fer eftir sveitarstjórnarlögum og samþykktum viðkomandi sveitarfélags um stjórnun og fundarsköp. Flestar spuringarnar varða stöðu minnihlutafulltrúa og möguleika þeirra til setu í nefndum og ráðum. Stefanía segir varðandi nefndakjör að í flestum tilvikum komist meirihluti og minnihluti að samkomulagi um listakosningar sem tryggja aðkomu allra framboðsaðila en í þeim tilfellum sem slíkt samkomulag næst ekki komi til hlutfallskosninga. En eins og Stefanía segir þá leysa sveitarstjórnir sín flest sín mál í góðu samkomulag,