Jákvæður rekstur Landspítala
Landspítalinn skilaði rúmum 35 milljónum króna í rekstrarafgang á fyrstu sex mánuðum ársins 2010, samkvæmt hálfsársuppgjöri sem Ríkisendurskoðun hefur staðfest.
Í byrjun ársins var spítalanum gert að lækka rekstrarkostnaðinn um rúm 9% eða 3.400 milljónir króna.
„Það hefur verið erfitt verk og sársaukafullt fyrir marga en með samstilltu átaki gengið furðu vel og án þess að öryggi sjúklinga hafi verið ógnað,” sagði Björn Zoëga, forstjóri Landspítala í síðasta föstudagspistli sínum til starfsmanna LSH.