Landsumgjörð um samvirkni í rafrænni þjónustu
Verkefnið er uppbygging á landsumgjörð þar sem markmiðin eru að:
byggja upp þekkingu á samvirkni og lykilþáttum landsumgjarðar
stofna til samstarfs um slíka umgjörð
móta tillögu að fyrirkomulagi til framtíðar
Í meginatriðum inniheldur slík landsumgjörð samkomulag hagsmunaaðila um viðmið í rafrænni þjónustu, í þeim tilgangi að auka samvirkni í samskiptum og miðlun gagna á milli hagsmunaaðila. Viðmiðin eru gjarnan vísun í staðla og forskriftir sem mikilvægt er að byggja á til að lausnir verði samvirkandi.
Meðal þeirra verkefna sem sett eru í forgang eru flutningur og miðlun skeyta, vefþjónusta og viðmið fyrir rafræn viðskiptaskjöl (reikning, pöntun o.fl.). Vinnuhópar gera tillögu að vali á viðmiðum og rökstyðja notagildi þeirra fyrir samfélagið. Lögð er áhersla á að byggja á því sem þegar hefur verið gert.
Vinnuhópur ICEPRO hefur nýlokið störfum og verður gögn hópsins birt í fyrstu drögum að heildarskjali um landsumgjörðina, sem eru væntanleg í maí/júní. Fleiri vinnuhópar eru að störfum, t.d. hjá Fagtaðlaráði í Upplýsingatækni (FUT). "Landsumgjörð um samvirkni" er þýðing á "National Interoperability Framework" (NIF).