Forsætisráðuneytið hefur auglýst laust til umsóknar embætti ríkislögmanns. Skarphéðinn Þórisson hrl., sem gegnt hefur embættinu frá 1. maí 1999, hefur óskað eftir lausn vegna veikinda. Einar Karl Hallvarðsson hrl., sem hefur verið settur ríkislögmaður frá 1. desember 2010, mun áfram gegna embættinu tímabundið uns skipað hefur verið í það. Skipað er í embætti ríkislögmanns til fimm ára. Ríkislögmaður skal fullnægja almennum starfsgengisskilyrðum skv. 6. gr. laga nr. 70/1996, um réttindi og skyldur starfsmanna ríkisins, lagaskilyrðum til skipunar í dómaraembætti við Hæstarétt skv. 2. mgr. 4. gr. laga nr. 15/1998, um dómstóla, og hafa réttindi til málflutnings fyrir Hæstarétti skv. lögum nr. 77/1998, um lögmenn. Um embættið gilda lög nr. 51/1985, um ríkislögmann, með síðari breytingum, og lög nr. 70/1996, með síðari breytingum, að öðru leyti.
    
Umsóknarfrestur er til 5. september næstkomandi.

Sjá nánar í auglýsingu á starfatorg.is