Til umsagnar eru nú hjá innanríkisráðuneytinu drög að reglugerð um umferðareftirlit Vegagerðarinnar. Umsagnarfrestur um drögin er til 13. september næstkomandi og skal senda umsagnir á netfangið [email protected]. 

Í reglugerðinni, sem á sér stoð í 6. mgr. 68. gr. umferðarlaga nr. 50/1987 með síðari breytingum, er meðal annars fjallað um hlutverk umferðareftirlitsmanna Vegagerðarinnar, hæfniskröfur, starfsþjálfun og einkennisfatnað. Þá er í nokkrum ákvæðum mælt fyrir um framkvæmd eftirlitsins, svo sem þungaeftirlit, eftirlit með hæð, breidd og lengd ökutækis og hleðslu, frágangi og merkingu farms.

• Drög að reglugerð um umferðareftirlit Vegagerðarinnar