Guðmundur Eiríksson sendiherra afhenti Zillur Rahman, forseta Bangladess, trúnaðarbréf   sem sendiherra Íslands í Bangladess með aðsetur í Nýju Delí, 13. febrúar sl. í Dhaka.

Sendiherra átti einnig fundi með Dipu Moni utanríkisráðherra, Abdul Latif Biswas sjávarútvegsráðherra og fulltrúum sjávarútvegsmála þar sem sameiginleg hagsmunamál Íslands og Bangladess voru rædd, einkum aukin samvinna á sviði sjávarútvegsmála.

Sendiherra ræddi ennfremur við stjórn Norræna viðskipta- og iðnaðarráðsins í Bangladess um möguleika á eflingu almennra viðskiptatengsla ríkjanna.