Skráning er í fullum gangi á málþingið Stuð í strætó sem haldið verður miðvikudaginn 20. mars nk. Fjallað verður um almenningssamgöngur um land allt og munu sérfræðingar samgöngufyrirtækja og fulltrúar yfirvalda og notenda fjalla um ýmsar hliðar málsins.

Málþingið fer fram á Hótel Sögu og stendur milli kl. 10 og 13. Þátttakendur eru beðnir að skrá sig með því að senda tilkynningu á netfangið [email protected] eigi síðar en mánudaginn 18. mars. Dagskráin verður send út á netinu fyrir áhugasama sem ekki eiga kost á að sitja fundinn. Slóðin verður sett á vefinn þegar nær dregur.

DAGSKRÁ

• Samferða skynseminni - framtíðarsýn um samgöngur
  Ögmundur Jónasson innanríkisráðherra
• Almenningssamgöngur - raunhæfur kostur um allt land?  
  Hreinn Haraldsson vegamálastjóri
• Hvað gerir Strætó við aurinn?
  Reynir Jónsson, framkvæmdastjóri Strætó
• Hvert þarftu að komast?
  Einar Kristjánsson, skipulags- og þróunarsviði Strætó
• Svona gerum við: Úr öllum áttum í eitt kerfi
  Ásta Kristín Sigurjónsdóttir, verkefnisstjóri hjá Austurbrú
• Ferðast milli hverfa: Almenningssamgöngur í Eyjafirði
  Eiríkur Björn Björgvinsson, bæjarstjóri á Akureyri
• KAFFI
• Borg fyrir fólk: Umhverfi, skipulag og aðrir samgöngumátar
  Kristín Soffía Jónsdóttir, umhverfis- og skipulagsráði Reykjavíkur
• Samgöngustefna fyrirtækja: Hvað er hún og hverju skilar hún?
  Þorsteinn R. Hermannsson, samgönguverkfræðingur hjá Mannviti
• Ég vel að ferðast með strætó
  Guðríður Haraldsdóttir, aðstoðarritstjóri Vikunnar
• Stuð í Strætó
  Ari Eldjárn, samfélagsrýnir  

 Fundarstjóri er Ragnhildur Hjaltadóttir, ráðuneytisstjóri innanríkisráðuneytisins.