Innanríkisráðuneytið hefur látið gera leiðbeiningarmyndbönd um framkvæmd atkvæðagreiðslu utan kjörfundar á íslensku og ensku. Myndböndunum er ætlað að auðvelda kjósendum og þeim sem vinna við utankjörfundaratkvæðagreiðslu framkvæmdina.

Atkvæðagreiðsla utan kjörfundar fer fram hjá embættum sýslumanna hér á landi, á aðalskrifstofum eða útibúum þeirra, og erlendis hjá sendiráðum og kjörræðismönnum.

Myndböndin eru hugsuð til leiðbeiningar en ítarlegri umfjöllun um kosningarathöfnina er að finna í lögum um kosningar til Alþingis.