Drög að nýrri námskrá fyrir bifhjólaréttindi sem samin hafa verið af Umferðarstofu liggja nú fyrir. Meðal hlutverka Umferðarstofu er að setja námskrár fyrir einstaka flokka ökuréttinda í samráði við Ökukennarafélag Íslands og skal innanríkisráðherra staðfesta námskrár. Unnt er að senda ráðuneytinu umsagnir um námskrárdrögin til 27. mars og skulu þær sendar á netfangið [email protected].

Í námskránni er fjallað um skipulag ökunámsins en meginkaflar hennar eru tveir og fjalla þeir annars vegar um fræðilegan hluta og hins vegar um verklegan hluta. Í fræðilega hlutanum er fjallað meðal annars um ökutækið, veginn, umferðina og hegðun í umferðinni og í verklega hlutanum um æfingar á afmörkuðu svæði og akstur í umferðinni.

Með nýju námskránni er fyrst og fremst verið að fella inn í hana breytingar í Evróputilskipun vegna nýrra flokka bifhjóla og kröfur til sérstakra æfinga sem skulu fara fram á afmörkuðu svæði.

• Námskrá fyrir bifhjólaréttindi – flokkur A1, A2 og A