Gefin hefur verið út ný skýrsla um Stefnumörkunina Ísland 2020, sem fjallar um framtíðarsýn um öflugra atvinnulíf og samfélag. Slík skýrsla var síðast gefin út í apríl 2012 þar sem stöðu verkefnanna í Ísland 2020 var lýst.

Nýja skýrslan greinir frá þróuninni síðan þá, en einnig er fjallað um stöðu markmiðanna og sýnt með myndrænum hætti hvernig gengið hefur að ná þeim.

Haustið 2011 var mælanlegum markmiðum stefnunnar (2020) komið á myndrænt form. Sett voru fram 30 verkefni sem miða að því að ná settum markmiðum. Þessi verkefni og markmið eru á ábyrgð mismunandi ráðuneyta, eins eða fleiri. Forsætisráðuneytið hefur haldið utan um framkvæmd stefnunnar í samvinnu við öll ráðuneytin.

• Stöðuskýrsla um Ísland 2020
• Framvindu markmiðanna (sýnd myndrænt hér á vef forsætisráðuneytisins)