Hoppa yfir valmynd

Frétt

11. júní 2013 Umhverfis-٫ orku- og loftslagsráðuneytið

Ásdís Hlökk Theodórsdóttir skipuð í embætti forstjóra Skipulagsstofnunar

Ásdís Hlökk Theodórsdóttir

Umhverfis- og auðlindaráðherra hefur skipað Ásdísi Hlökk Theodórsdóttur í embætti forstjóra Skipulagsstofnunar til fimm ára. Ásdís Hlökk hefur frá árinu 2007 starfað við Háskólann í Reykjavík sem aðjúnkt og námsbrautarstjóri meistaranáms á sviði umferðar og skipulags.

Ásdís Hlökk lauk meistaragráðu í skipulagsfræðum frá háskólanum í Reading á Englandi. Hún hefur einnig lagt stund á doktorsnám í skipulagsfræðum við Kungl. Tekniska Högskolan í Stokkhólmi meðfram störfum.

Hún hefur fjölbreytta stjórnunarreynslu en fyrir utan störf hennar við Háskólann í Reykjavík var hún settur skipulagsstjóri á Skipulagsstofnun á árunum 2004 – 2005 og aðstoðarskipulagsstjóri frá árinu 1998. Þá starfaði hún hjá ráðgjafafyrirtækinu Alta á árunum 2005 – 2008.

Ásdís Hlökk er gift Bolla Þórssyni lækni og eiga þau tvo syni.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum