Hoppa yfir valmynd

Frétt

31. mars 2014 Dómsmálaráðuneytið

Verkefni kjörstjórna og sveitarstjórna

Meðal verkefna yfirkjörstjórna eru móttaka framboðslista og úrskurðir um gildi þeirra. Þá sjá þær um gerð kjörseðla sem notaðir eru við atkvæðagreiðslu á kjörfundi og dreifingu þeirra til undirkjörstjórna, þær úrskurða um gildi vafaatkvæða og hafa umsjón með talningu atkvæða og uppgjöri kosninga.

Kjörstjórnir í hverju sveitarfélagi eru kosnar af viðkomandi sveitarstjórn og skulu bæði aðal- og varamenn eiga kosningarétt í sveitarfélaginu. Kjörstjórnir skipta sjálfar með sér verkum og eru óháðar ákvörðunarvaldi sveitarstjórnar í störfum sínum. Sé fulltrúi í kjörstjórn á framboðslista í viðkomandi kosningum skal hann víkja sæti. Kjörstjórnir eru yfirkjörstjórnir, undirkjörstjórnir og hverfiskjörstjórnir.  

Yfirkjörstjórn hefur yfirumsjón með framkvæmd sveitarstjórnarkosninga í viðkomandi sveitarfélagi en þar sem sveitarfélagi er ekki skipt upp í kjördeildir gegnir hún jafnframt hlutverki undirkjörstjórnar.
Sjá upplýsingar um formenn yfirkjörstjórna í öllum sveitarfélögum landsins hér.

Sveitarstjórnir hafa meðal annars því hlutverki að gegna að gera kjörskrár á grundvelli kjörskrárstofns frá Þjóðskrá Íslands og þær taka til meðferðar athugasemdir við kjörskrár. Sveitarstjórn tekur ákvörðun um skiptingu sveitarfélagsins í kjördeildir og um kjörstaði. Sjá nánar um hlutverk sveitarstjórna hér. Upplýsingar um skrifstofur sveitarfélaga má nálgast hér.

Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira