Að gefnu tilefni skal það tekið fram að því efni sem finna má á vefnum kosning.is er einungis ætlað að vera til almennrar leiðbeiningar um framkvæmd kosninga. Þetta á meðal annars við um efni varðandi framlagningu framboðslista og lista yfir meðmælendur skv. 6. kafla laga um kosningar til sveitarstjórna nr. 5/1998.

Í birtingu þessa efnis felst því á engan hátt afstaða ráðuneytisins til einstakra álitamála sem upp kunna að koma við framkvæmd kosninganna, enda er það hlutverk yfirkjörstjórna að skera þar úr. Slíkar úrlausnir yfirkjörstjórna kunna síðan eftir atvikum að koma til endurskoðunar hjá þar til bærum stjórnvöldum.