Hoppa yfir valmynd

Frétt

28. maí 2014 Dómsmálaráðuneytið

Atkvæðagreiðsla utan kjörfundar - kjörstaðir og opnunartímar

Í Reykjavík fer atkvæðagreiðsla ­utan kjörfund­ar fram í Laugardalshöll. Þar er opið alla daga frá klukk­an 10:00 – 22:00. Á kjördag verður opið frá klukkan 10:00 – 17:00 fyrir þá kjósendur sem búa utan höfuðborgarsvæðisins.

Á vefsíðu sýslumanna eru upplýsingar frá öllum sýslumannsembættum á landinu um þjónustu þeirra vegna atkvæðagreiðslu utan kjörfundar, kjörstaði og opnunartíma. Embættin eru talin upp í landfræðilegri röð umhverfis landið. Tengill á vefsíðu sýslumanna er hér.

Vert er að vekja athygli á eftirtöldum atriðum:

Öllum sem eru skráðir á kjörskrá er heimilt að greiða atkvæði utan kjörfundar hjá hvaða sýslumanni sem er, óháð búsetu eða lögheimili.

Ef atkvæðið er greitt hjá kjörstjóra í öðru umdæmi en því sem kjósandi er á kjörskrá þá annast og kostar hann sjálfur sendingu atkvæðisbréfs síns. Kjörstjóra er þó skylt, ef kjósandi óskar þess, að koma bréfinu í póst en sendingin er eftir sem áður á kostnað kjósanda.

Nægjanlegt er að koma bréfi með utankjörfundaratkvæði í einhverja kjördeild þess sveitarfélags þar sem kjósandi er á kjörskrá.

Utankjörfundaratkvæði skal vera komið í hendur kjörstjórnar fyrir lok kjörfundar á kjördag svo að hægt sé að taka það til greina við kosninguna.

Sjá hér leiðbeiningar, bæði myndband og texta, um það hvernig kosning utan kjörfundar fer fram.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum