Hoppa yfir valmynd

Frétt

13. júní 2014 Utanríkisráðuneytið

Þörf á að tryggja fullnægjandi löggjöf gegn kynferðislegu ofbeldi í hernaði

Ráðherrar og aðrir fulltrúar á ráðstefnunni.
„Við stjórnmálamennirnir þurfum að tryggja fullnægjandi löggjöf gegn kynferðislegu ofbeldi í hernaði og að henni sé framfylgt. Refsileysi við þessum alvarlegu afbrotum er algengt en algjörlega óásættanlegt, sagði Gunnar Bragi Sveinsson, á Global Summit to End Sexual Violence in Conflict í London í dag.

Á ráðstefnunni fjölluðu 48 ráðherrar og fulltrúar frá um 100 ríkjum um leiðir til að binda endi á kynferðislegt ofbeldi í stríðsátökum.

„Það er sérstaklega mikilvægt að huga að þeim fórnarlömbum kynferðislegs ofbeldis sem minni vitund er um, svonefndum ósýnilegum fórnarlömbum og, ekki síður, valdeflingu kvenna í baráttu okkar gegn kynferðislegu ofbeldi í hernaði,“ sagði Gunnar Bragi. Hann tekur þátt í ráðstefnunni í boði Williams Hague, utanríkisráðherra Bretlands, sem er í forystu fyrir alþjóðlega herferð til að binda enda á kynferðislegt ofbeldi í hernaði, ásamt Angelina Jolie, leikkonu og sérlegum sendimanni flóttamannafulltrúa Sameinuðu þjóðanna.

Nánari upplýsingar um ráðstefnuna 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum