Hoppa yfir valmynd

Frétt

22. desember 2014 Félags- og vinnumarkaðsráðuneytið

Mat á tilraunaverkefni um notendastýrða persónulega aðstoð (NPA)

Í haust gerðu velferðarráðuneytið og innanríkisráðuneytið samkomulag við Félagsvísindastofnun Háskóla Íslands, Rannsóknarsetur í fötlunarfræðum, Rannsóknarstofnun í barna- og fjölskylduvernd og Hagfræðistofnun Háskóla Íslands um mat á tilraunaverkefninu um notendastýrða persónulega aðstoð (NPA).  Megindlegar og eigindlegar aðferðir verða notaðar til að meta tilraunaverkefnið auk þess sem gerð verður kostnaðar- og ábatagreining á verkefninu. Viðtöl verða tekin við, og spurningalistar lagðir fyrir notendur NPA og samanburðarhóp sem samanstendur af notendum annarrar þjónustu á vegum sveitarfélaganna fyrir fatlað fólk.  Auk þess verður spurningalisti lagður fyrir aðstandendur fatlaðs fólks sem notar NPA.  Tekin verða viðtöl við fulltrúa umsýsluaðila sem bjóða þjónustu og utanhald fyrir NPA notendur, fulltrúa sveitarfélaga og aðra sérfræðinga og einstaklinga sem starfa sem aðstoðarmenn NPA notenda. Rannsóknaraðilum til aðstoðar við mótun spurninga verða fulltrúar verkefnisstjórnar NPA þau, Ragnar Gunnar Þórhallsson, María Hreiðarsdóttir, Gyða Hjartardóttir og Þór Garðar Þórarinsson. Gert er ráð fyrir því að matinu verði að fullu lokið um áramótin 2015/2016.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum