Fyrsti fundur fjármálastöðugleikaráðs á árinu 2015 var haldinn mánudaginn 19. janúar í fjármála- og efnahagsráðuneytinu. Fjármálastöðugleikaráð er formlegur samstarfsvettvangur stjórnvalda um fjármálastöðugleika.  Ráðið er vettvangur samráðs, upplýsingaskipta og stefnumótunar vegna fjármálastöðugleika og samhæfir viðbúnað opinberra aðila við fjármálakreppu.

Að mati fjármálastöðugleikaráðs hefur áhætta í fjármálakerfinu minnkað frá síðasta fundi, einkum vegna lengingar á skuldabréfum milli Landsbankans og LBI. Aðrir áhættuþættir eru að mestu óbreyttir frá síðasta fundi.

Eftirfarandi mál voru á dagskrá:

• Fjármálastöðugleikráð: hlutverk þess og markmið
• Greinargerð kerfisáhættunefndar
• Aðferðafræði við mat á kerfislega mikilvægum fjármálafyrirtækjum
• Varúðarreglur eftir fjármagnshöft
• Drög að skýrslu nefndar um skuggabankastarfsemi
•  Önnur mál