Mælt fyrir þjóðlendufrumvarpi
Forsætisráðherra mælti í dag fyrir frumvarpi til laga um breytingu á lögum um þjóðlendur og ákvörðun marka eignarlanda, þjóðlendna og afrétta.
Í frumvarpinu er lagt til að starfstími óbyggðanefndar verði framlengdur, valdheimildir til þinglýsinga eignarheimilda skýrðar ásamt því að orkunýting vindorku og nýting náttúrumynda verði háð leyfi ráðherra. Einnig er lagt til að rýmka heimildir sveitarfélaga til að nýta tekjur sem til falla vegna leyfa til nýtingar lands og landsréttinda innan þjóðlendna.