Velferðarráðuneytið auglýsir styrki vegna gæðaverkefna í heilbrigðisþjónustunni árið 2015. Að þessu sinni er sérstök áhersla lögð á verkefni sem miða að nýbreytni í verklagi innan heilsugæslunnar s.s. með tilfærslu verkefna og efldu þverfaglegu samstarfi starfsfólks.

Í styrkumsókn skal m.a. koma fram markmið verkefnis, framkvæmda- og kostnaðaráætlun og hvernig unnt væri að nýta niðurstöður til að auka öryggi og gæði heilbrigðisþjónustunnar. Sótt skal um í nafni einstakra stofnana, deilda eða starfseininga. Styrkirnir eru að hámarki 500 þúsund krónur.

Vakin er athygli á að umsækjendum er gert að sækja um rafrænt og er umsóknarformið ásamt nánari upplýsingum aðgengilegt á vef velferðarráðuneytisins

Umsóknarfrestur rann út föstudaginn 23. október.

• Umsóknarform og nánari upplýsingar