Kristján Þór Júlíusson heilbrigðisráðherra hefur ákveðið úthlutun rúmlega 75 milljóna króna til 24 verkefna á vegum íslenskra félagasamtaka sem starfa á sviði heilbrigðismála.

Auglýst var eftir umsóknum í október/nóvember síðastliðnum og bárust 37 umsóknir. Úthlutun þeirra byggist á reglum um velferðarstyrki velferðarráðuneytisins sem veittir eru ár hvert. Auk verkefna og rekstrarstyrkja eru veittir styrkir til félagasamtaka er starfa á sviði forvarna og fræðslu og endurhæfingar.

Að þessu sinni var lögð áhersla á verkefni sem tengjast geðheilsu ungs fólks með sérstakri áherslu á forvarnir gegn sjálfsvígum. 

• Samantekt um veitta styrki