Hoppa yfir valmynd

Frétt

30. júní 2016 Fjármála- og efnahagsráðuneytið

Undirritun tvísköttunarsamnings við Austurríki

Auðunn Atlason og Michael undirrituðu tvísköttunarsamninginn - mynd

Undirritaður hefur verið samningur milli Íslands og Austurríkis til að koma í veg fyrir tvísköttun og nær samningurinn til tekju- og eignaskatta. Undirritunin fór fram í Vín í Austurríki og undirritaði Auðunn Atlason sendiherra samninginn fyrir hönd Íslands en Michael Linhart, ráðuneytisstjóri í austurríska utanríkisráðuneytinu fyrir hönd Austurríkis.

Helstu efnisatriði samningsins eru þau að samið var um 5% afdráttarskatt af arði ef félagið sem móttekur arðinn á a.m.k. 10% í félaginu sem greiðir arðinn. Að öðrum kosti er afdráttarskattur af arði 15%. Enginn afdráttarskattur er af vöxtum en 5% afdráttarskattur er af þóknunum. Samkvæmt samningnum er frádráttaraðferð beitt í því skyni að koma í veg fyrir tvísköttun og jafnframt er að finna ákvæði um aðstoð við innheimtu skatta.

Á næstu mánuðum munu stjórnvöld vinna að fullgildingu samningsins í báðum samningsríkjum.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum