Sigurður Ingi Jóhannsson forsætisráðherra fundar með utanríkisráðherra Finnlands
Sigurður Ingi Jóhannsson forsætisráðherra átti í dag fund með Timo Soini utanríkisráðherra Finnlands.
Á fundi sínum ræddu ráðherrarnir góð samskipti og samstarf landanna. Meðal annars ræddu ráðherrarnir málefni á sviði viðskipta og alþjóða- og öryggismála. Þeir ræddu samstarf ríkjanna í málefnum Norðurslóða, loftslags- og orkumál. Þá ræddu þeir um Brexit, ákvörðun Bretlands um að segja sig úr ESB.
Utanríkisráðherra Finnlands mun ávarpa „Hringborð norðurslóða“ á morgun, í Hörpu.