Fjármála- og efnahagsráðherra undirritaði í gær fyrir hönd ríkissjóðs kaupsamning við Hafnarfjarðarbæ um Suðurgötu 14 í Hafnarfirði, þar sem ríkisskattstjóri var áður með starfsemi.

Um er að ræða tæplega 1300 fermetra húseign og hyggst Hafnarfjarðarbær nýta húsnæðið fyrir vinnustað og þjónustu fyrir fatlað fólk, auk annarrar starfsemi sem rúmast getur í húsinu.

Kaupverð eignarinnar er 256 milljónir og verður húsnæðið afhent 1. nóvember samkvæmt samningnum.