Til heiðurs Ólympíuförunum okkar
Elsa Guðrún Jónsdóttir, Freydís Halla Einarsdóttir, Ísak S. Pedersen, Sturla Snær Snorrason og Snorri Einarsson kepptu fyrir Íslands hönd á Vetrarólympíuleikunum og Hilmar Snær Örvarsson á Vetrarólympíumótinu.
„Það er draumur hvers íþróttamanns að komast á Ólympíuleika. Þrotlaus undirbúningur liggur að baki þátttöku keppenda, oft fjarri vinum og vandamönnum. Það er því vel við hæfi að heiðra íþróttafólkið okkar með þessum hætti. Allir þessir keppendurnir eru sannkallaðar fyrirmyndir,“ sagði Lilja Alfreðsdóttir mennta- og menningarmálaráðherra.
Lárus L. Blöndal, forseti ÍSÍ, og Líney Rut Halldórsdóttir, framkvæmdastjóri ÍSÍ, afhentu þátttakendum á Vetrarólympíuleikunum viðurkenningar og þeir Þórður Árni Hjaltested, formaður Íþróttasambands fatlaðra, og Ólafur Magnússon, framkvæmdastjóri afrekssviðs Íþróttasambands fatlaðra, afhentu þátttakendum á Vetrar-Paralympics viðurkenningar.