Katrín Jakobsdóttir, forsætisráðherra, veitti styrki úr Jafnréttissjóði Íslands við hátíðlega athöfn í Hörpu í dag. Alls hlutu átta verkefni og rannsóknir styrki.

Forsætisráðherra flutti ávarp við athöfnina þar sem hún minntist á mikilvægi Jafnréttissjóðs Íslands þegar kemur að því að ýta úr vör verkefnum í þágu jafnréttis.

Katrín Jakobsdóttir, forsætisráðherra:

„Tilgangur Jafnréttissjóðs Íslands er að stuðla að jafnrétti kynjanna hér á landi og á alþjóðavísu. Það má með sanni segja að þörfin sé brýn ef marka má það bakslag sem við höfum séð á síðustu árum í jafnréttismálum á alþjóðavísu og þá sérstaklega nú í faraldrinum. Við höldum því áfram, fögnum þeim sigrum sem hafa orðið í jafnréttismálum en erum um leið meðvituð um að við þurfum öll að halda baráttunni áfram.“

Sjóðurinn starfar samkvæmt reglum nr. 144/2021 um úthlutun styrkja úr Jafnréttissjóði Íslands.

Verkefni og rannsóknir sem hljóta styrk úr Jafnréttissjóði Íslands 2021