Hoppa yfir valmynd

Frétt

24. ágúst 2021 Heilbrigðisráðuneytið

Ný reglugerð um sóttkví og einangrun og sýnatöku við landamæri

Ný reglugerð um sóttkví og einangrun og sýnatöku við landamæri Íslands vegna COVID-19 hefur tekið gildi. Með reglugerðinni er einstaklingum sem eru metnir minna útsettir fyrir COVID-19 veirunni heimilað að sæta smitgát í stað sóttkvíar í samræmi við endurskoðaðar leiðbeiningar sóttvarnalæknis.

Einstaklingur sem viðhefur smitgát skal takmarka samneyti við aðra eins og hægt er, og þá sérstaklega viðkvæma einstaklinga. Smitgát felur jafnframt í sér að einstaklingi ber að fylgjast vel með einkennum COVD-19 og fara í sýnatöku ef þau koma fram. Á fyrsta degi smitgátar skal einstaklingur einnig fara í hraðpróf og síðan aftur á fjórða degi. Þegar niðurstaða úr seinna hraðprófinu liggur fyrir er smitgát einstaklings aflétt.

Með reglugerðinni er auk þess gerð breyting sem tekur gildi 30. ágúst nk., og kveður á um að einstaklingur með yngra COVID-19 smit en 180 daga gömlu, sé ekki skylt að framvísa vottorði um neikvæða niðurstöðu PCR-prófs eða hraðprófs við byrðingu erlendis og komuna til landsins. Eigi einstaklingur jafnframt tengsl við Ísland þarf hann ekki að sæta sýnatöku innan tveggja daga frá komu. Undanþágan á þó einungis við ef framvísað er vottorði sem staðfestir jákvæða niðurstöðu úr PCR-prófi og er eldra en 14 daga gamalt.

Sjá reglugerð hér.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum