Utankjörfundaratkvæðagreiðsla í Svíþjóð vegna alþingiskosninga þann 25. september fer fram í sendiráði Íslands í Stokkhólmi sem og hjá kjörræðismönnum Íslands í Gautaborg, Malmö/Höllviken og Karlstad/Hammarö.

Sendiráðið vekur sérstaka athygli á eftirfarandi:

• Kjósendur bera sjálfir ábyrgð á því að atkvæði þeirra berist kjörstjórn í viðeigandi kjördæmi á Íslandi, með pósti eða öðrum leiðum, fyrir lok kjörfundar á kjördag. Sendiráðið hvetur kjósendur til að gera ráð fyrir hugsanlegum töfum á póstsendingum og senda atkvæði sín tímanlega.
• Kjósendur verða beðnir að gera grein fyrir sér, t.d. með framvísun íslensks skilríkis með kennitölu eða með öðrum hætti sem kjörstjóri metur fullnægjandi.
• Kjósendur geta kannað hvort og hvar þeir eru á kjörskrá með því að fletta upp kennitölu sinni á heimasíðu Þjóðskrár.

Fyrirkomulag verður með eftirfarandi hætti:

Stokkhólmur

Tekið er á móti kjósendum í sendiráðinu í Stokkhólmi alla virka daga frá klukkan 9:30 til 15:30. Ekki þarf að bóka tíma eða boða komu.

Auk þess verður tekið á móti kjósendum samanber eftirfarandi:

Sendiráðið er staðsett að Kommendörsgatan 35, 114 58 Stokkhólmi, sími +46 8 442 8300.

Gautaborg

Kjörræðismaður Íslands í Gautaborg tekur á móti kjósendum í safnaðarheimilinu við Västra Frölunda kirkju á Frölunda Kyrkogata 2, Gautaborg á eftirfarandi tímum:

Hægt er að hafa samband við Christinu Nilroth, aðalræðismann Íslands í Gautaborg, í síma +46 70 570 40 58 eða með tölvupósti; [email protected].

Malmö/Höllviken

Hægt er að bóka tíma til að kjósa á kjörræðisskrifstofunni í Malmö/Höllviken á eftirfarandi tímum:

Hafa skal samband við Ingibjörgu Benediktsdóttur, ræðismann, í síma +46 70 545 1127 eða senda tölvupóst á [email protected] til að bóka tíma.

Kjörræðisskrifstofan er í Halörhuset, Brädgårdsvägen 28, Höllviken.

Karlstad/Hammarö

Tekið verður á móti kjósendum eftir samkomulagi á Bärstavägen 22, Hammarö. Hafa skal samband við kjörræðismann til að bóka tíma:

Nánari upplýsingar um utankjörfundaratkvæðagreiðslu má nálgast hér en einnig má hafa samband við sendiráðið ef spurningar vakna.

Hér fyrir neðan má sjá myndband þar sem framkvæmd utankjörfundaratkvæðagreiðslu er lýst.