Hoppa yfir valmynd

Frétt

9. nóvember 2021 Forsætisráðuneytið

Forsætisráðherra tók þátt í opnun Heimsþings kvenleiðtoga

Katrín Jakobsdóttir forsætisráðherra og Guðlaugur Þór Þórðarson utanríkis- og þróunarsamvinnuráðherra á í pallborðsumræðum við opnun Heimsþings kvenleiðtoga - mynd

Katrín Jakobsdóttir, forsætisráðherra, tók þátt í pallborðsumræðum við opnun Heimsþings kvenleiðtoga, Reykjavík Global Forum – Women Leaders, í Hörpu í morgun. Þingið er haldið í fjórða sinn og fer fram í dag og á morgun.

Forsætisráðherra lagði þar áherslu á þann árangur sem samstaða kvenna hefur skilað í jafnréttismálum á Íslandi og mikilvægi kerfisbreytinga til að ná fram jafnrétti, til dæmis þegar kemur að leikskólum og fæðingarorlofi. Þá ræddi forsætisráðherra sérstaklega um mikilvægi þess að takast á við kynbundið og kynferðislegt ofbeldi og áreitni.

Um 600 kvenleiðtogar úr stjórnmálum, viðskiptum, fjölmiðlum, vísindum og víðar frá 90 löndum taka þátt, þar af um 200 í Hörpu og 400 með rafrænum hætti.

Að þinginu standa alþjóðlegu þingkvennasamtökin Women Poltical Leaders (WPL) í samstarfi við ríkisstjórn Íslands og Alþingi með þátttöku fjölda íslenskra og alþjóðlegra samstarfsaðila. Heimsþing kvenleiðtoga fer fram undir kjörorðinu „Power together for progress “ en Vigdís Finnbogadóttir, fyrrverandi forseti Íslands, er sérstakur verndari Heimsþingsins líkt og fyrri ár.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum