Uppbygging nýrra atvinnusvæða

Undir atvinnuþróun og uppbyggingu nýrra atvinnusvæða falla margvísleg verkefni sem lúta m.a. að innviðauppbyggingu á tilteknum svæðum. Má þar nefna viðvarandi starfshópa um bætt raforkuöryggi á Vestfjörðum og á Norðurlandi eystra, starfshóp um iðnaðaruppbyggingu í Finnafirði, starfshóp um atvinnuuppbyggingu á Norðurlandi vestra, og starfshóp um sóknarfæri Íslands tengt norðurslóðamálum.

Til lengri tíma hefur einnig verið unnið að uppbyggingu nýrra iðnaðarsvæði í landi Bakka á Norðurlandi, samanber sérlög þess efnis frá 2013, og í Helguvík á Reykjanesi.