Hoppa yfir valmynd

Fjármálaráð

Fjármálaráði er ætlað að tryggja að fram fari hlutlægt mat á stefnumörkun í opinberum fjármálum. Ráðið er sjálfstætt í stöfum sínum og er því ætlað að leggja mat á hvort fimm ára fjármálastefna og fjármálaáætlun fylgi þeim grunngildum sem lög um opinber fjármál kveða á um að stefnumörkun í opinberum fjármálum skuli byggð á, en þau eru sjálfbærni, varfærni, stöðugleiki, festa og gagnsæi.

Ráðið leggur jafnframt mat á það hvort markmið fjármálastefnu og fjármálaáætlunar fyrir hið opinbera eru í samræmi við tiltekin töluleg skilyrði laganna, svokallaðar fjármálareglur, um heildarjöfnuð og heildarskuldir.

Mat ráðsins birtist í umsögnum um fjármálastefnu og fjármálaáætlun sem ber að senda til Alþingis ekki seinna en tveimur vikum eftir að þær þingsályktanir voru lagðar fram. Álitsgerðirnar eru einnig birtar opinberlega.

Fjármálaráð starfar sjálfstætt og er það á valdi ráðsins að ákveða hvernig staðið skuli að mati á stefnumörkun stjórnvalda í opinberum fjármálum að öðru leyti.

Fjármála- og efnahagsráðherra skipar tvo menn í ráðið samkvæmt tilnefningu Alþingis og einn samkvæmt tilnefningu forsætisráðherra og skal hann vera formaður. Þrír varamenn eru skipaðir á sama hátt. Formaður ráðsins er skipaður til fimm ára en aðrir til þriggja ára í senn.

Álitsgerð fjármálaráðs um fjármálastefnu 2017-2022

Álitsgerð fjármálaráðs um fjármálaáætlun 2018-2022

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira